Mérito mas grandi di Juliana pa arkeologia ta ku for di añanan 50 el a kuminsá identifiká lugánan di balor arkeológiko na Kòrsou.
Hopi dje lugánan akí a disparsé, pasobra a lanta edifisio riba nan. Si Juliana no a identifiká nan, nan lo a bai pèrdí. Na 1966 e ta partisipá pa promé bes na un ekskavashon profeshonal arkeológiko na Kintjan. Na 1968 e ta hasi un estudio di arkeologia tékniko na Instituto di Prehistoria di Universidat di Leiden. Aki na Santa Bárbara (1971) tambe e ta partisipá den un ekspedishon profeshonal. Na prinsipio di añanan 70 Juliana ta traha na departamentu di arkeologia di Kadaster i huntu ku e arkeólogo ulandes, E. Broerstra, ta hasi ekskavashon durante dos aña, inventarisando tur lugá kaminda te na e momentu ei a yega di haña algu den tera.

Despues Juliana ta bai Venezuela pa sigui profeshonalisá riba tereno di ekskavashon. Tera tambe Juliana ta trata ku rèspèt. No ta intenshon pa koba tur kos saka, pasobra ta importante studia ophetonan den nan estado original i pasobra: “Suela ta manera un buki pa un arkeólogo i saka un opheto kon ke fo’i suela ta manera ranka un blachi pa loko for di un buki.” (Juliana:Amigoe 1971:9).

Juliana a traha diferente mapa ku ta identifiká lugánan pa haña opheto, vários pintura di suela ku karakterisashonnan di koló. Huntu ku Paul Brenneker e ta roza mondi di Kòrsou i Boneiru riba indikashon di bieunan na altura di “lugánan pa koba”. Resultado: diferente opheto pre-históriko eksponé aki i den Instituto di Folklor Boneriano, fundá pa e i Brenneker na 1975 den Fòrti Oranje na Kralendijk. Juliana ta integrá su diferente terenonan. Hopi dje ophetonan hañá e por a splika for di su datonan etnológiko òf hustamente a splika e datonan akí. Tambe na Aruba, San Martin i Stasha pionero i outo-didakta Juliana a hasi trabou etno-arkeológiko i habri kaminda den un tempu ku no tabata rekonosé importansha di trabou arkeológiko.

INSTITUUT VOOR PREHISTORIE
DER RIJKSUNIVERSITEIT
TE LEIDEN
Leiden, 27 juni 1968.
Breestraat 87
Telefoon 01710-22181

Getuigschrift. Hierbij verklaart ondergetekende, hoogleraar in de Prehistorie aan de Rijksuniversiteit te Leiden dat
De heer Ellis Juliana gedurende een periode van vier maanden onderricht heeft genoten in het doen van opgravingen, het verwerken van oudheidkundige voorwerpen door restauratie, opmeten, fotograferen en tekenen ten behoeve van een publicatie.
Deelgenomen werd aan opgravingen te Stein en Kesseleijk van 1 t/m 26 april 1968 en te Ermelo van 20 t/m 31 mei 1968. Bovendien maakte hij een excursie mee naar Gelderland, Drenthe, Friesland en Noord-Holland van 7 t/m 10 mei 1968.

De heer Juliana heeft bewezen een ijverig en leergierig man te zijn, die over uitstekende capaciteiten beschikt, zodat hij na deze korte opleiding in staat geacht moet worden een eenvoudig oudheidkundig onderzoek te doen.

Prof. Dr. P.J.R. Modderman