Tabata nesesario desaroyá otro metodologia di inbestigá. Elis Juliana a apliká e metodologia akí hasiendo estudio dje kultura di paden, no di pafó, es desir salí for di hende i el a laga esnan ku no tabatin bos, na palabra.

Forrrrma di Papia (énfasis JC) no ta referí na un òf otro forma di papia ni di Juliana, ni di otro persona. Bieunan sa bisa na tambú: "Mi t'ei 'papia' un palabra" i nan ke men "Mi t'ei kanta."

Mérito mas grandi di Juliana pa arkeologia ta ku for di añanan 50 el a kuminsá identifiká lugánan di balor arkeológiko na Kòrsou. Hopi dje lugánan akí a disparsé, pasobra a lanta edifisio riba nan. Si Juliana no a identifiká nan, nan lo a bai pèrdí.